Visits 192336

Projektujra

Aver projektujra save inćarel o Rromano Resursno Maškaripe katar 2000. – 2008 BîRŠ

1. Projekto: „Humanitarno ažutipe pale našline manuša (IRL) katar o K thaj M“ (1999. – 2003.)

EHO si jekh  katar carra BVO, savi džikaj sas o NATO bombardovanje, ćerelas bući.  Kana avile anglune IRL ando Novi Sad teljardino si baro humanitarno programo te delpe ažutipe pale IRL.
Katar o marto 1999. – decembar, 2003. bajbut katar 4800 IRL, save piro trajo arakline ando Novi Sad, line avrčande humanitarne ažutimata: habe thaj higijena; gono palo sovipe; ćebe; kanistejra palo paj; kaš palo phabaripe; vaučejra palo ćindipe habesko thaj higijenako; hurdi džuvdimata(bakhrorre thaj balorre) thaj hurdi džuvdimata (pujorre). Intrego humanitarno ažutipe sas 2,000.000,00 DEM.

2.  Projekto: „Ćerdipe e pajeske mrežako ande cara Bangladeš“ (2001.)

Ando oktobar, 2001.bîrš, RRRM ažutimasa pire donatorengo andar e Zapadno Evropa, arkhla love savenca poćindola te arasel o paj ande cara Bangladeš. Thodino si 1300 metrujra pajeski mreža thaj 4 hainga pajesa palo pipe. Ćerde si vi 20 toaletujra.

3.  Projekto: Medicinsko savetovalište“ (2000. – 2003.)

Ande 2000. bîrš, teljardino si e medecinsko savetovalištesa ( ardinacije ande care Bangladeđ thaj Veliki Rit, Novi Sad ) savo ćerel (fundoske sastarimaske dićhimate, sastarimasko sićope, sar te na avel džiko nasvalipe, ćerutno sastaripe, inkaldipe e drabengo, thud pala čhavorre, pelene…) katar o majo, 2000. – decembri, 2003. hasnisade 5642 džene.

4.  Projekto:  „Kurso palo sićope e majpuranengo“ (2002.)

O kurso palo sićope e majpuranengo si inćardo ande novosadoke rromane care, Veliki Rit, Bangladeš thaj Šangaj, ande 2002, bîrš. 30 džene majphureder katar 18 bîrš agorisarde o kurso palo sićope.

5. Projekto:  „Ćherutno šukarsvatosko maškaripe“ (2002. – 2004):

Čherutno šukarsvatosko maškaripe (2002. – 2004.) delas šukar svato andar: ćherutnipe, bilačhe pe zor ando ćher thaj manušano bićinipe.
Ande kava Maškaripe, ažutipe arakhla majbut katar 600 manuša.

6. Projekto: „Vortako šukarsvatimasko than“ (2002. – 2005.)

Ande 2002. bîrš teljarda e bućasa o Vortako šukarsvatimasko than delas vjasta kolen save naj sar aver sar te arekhen pengi vorta.
Ande kava Vortako šukarsvatosko than (2002. – 2005. bîrš), piro ažutipe arakla  majbut katar 1000 džene.

7.  Projekto: „Barjaripe manušane kapacitetujra thaj resursujra – trening programo“ (2004. – 2006.)

Ande 2004. bîrš o RRRM inćarda rodimate ande AP Vjvodina te dićhelpe so si godova so trubul e rromane BVO.

Kana dićhilo so si kodova so trubul, inkerdo si štarkotorano trening kaj sićosajlo sar te inćhardon e bivladake organizacije. O programo sikada sar te: ramolpe o projekto, projektosko agorimasko vjastipe, anes varekas pe ćire svatujra thaj aver.
Kava programo agorisarde 15 Rroma – nja andaj AP Vojvodina.

8.  Projekto: „Ternego amalipe – Av amal – ni“ (2003. – 2008.)

Dujeđesengo amalipe rromane thaj gajdžikane bejacengo, si barjaripe e tolerancijkao thaj haćarimasko, sar vi ciknjaripe anglohaćaramako, phanglo pale kola save naj sar aver, ande amaro trujalipe.

Kava amalipe si pale rromane čhavorra( save si khatar thaj kola save avile katar o Kosovo), sar vi pale rakhlorra, katar e 10 – 14 bîrš.

Katar 2003. – 2008. bîrš, inćharde si 22 amalimate, pe save sas 980 bejace thaj terne, andr 24 fundoske škole ande AP Vojvodina.

Plakat "Budi drug-arica"

9.  Projekto: „Trening programo andar o kotor e manušane vortengo thaj sajekhipe maškar muš thaj džulji pala rromane BVO“ (2006. – 2007.)

Projekto “ Brjaripe kapacitonengo e romane aktivistonengo ande Srbija“ si inćhardo ande jekhthane e Kancelarijasa palo sajekhipe maškar murša thaj džulja Pokrajinako ombucmani.

O projekto trubul te anel džiko:
Te barjarenpe e kapacitetujra rromane BVO thaj Rromnjane organizacije ande Srbija, save anena dži khote kaj savorre inćhardona pale vorta.

Projektiske agorimate sas:
Te zurjarenpe e kapacitetujra rromane organizacijengo a majbut e rromnjane organizacije ande Srbija, bući po zakono, godolesa sikavena thaj phandena ando ćidipe e rromnjen, jećhe bîršeske programosa savo zurarela e kapacitetujra.
Vazdipe jekhipesko maškar rromane thaj birromane organizacije / phuvjake ćhera save si ćerde pale manušane vorte thaj  sajekhipe maškar murša thaj džulja.
Vazdipe dikhlimosko pe Rromane aktivistkinje ande paše thaj dur trujalipe.

Vrjama projktoski 18 Rromnja ander 16 bivladake organizacije ande Srbija, agorisardine 20 – e đesengo Programo vazdipe manušane kapacitetujra thaj resursujra. Sa e džulja agoisardine 6 – e kotorengo sićope thaj sićile: Manušane vorte; Thagaripe  vortako thaj phuvjake institucije; Sa jekhipe maškar o murš thaj džulji; BVO; Te džalpe angla varekaste; Sar te inćardon e manušane resursujra; Džanglipe sar te inćrdon e prjektujra thaj e radioničarsko džanglipe.

Sa kola Rromnja save sas ando projekto hasnisarde piro džanglipe, gajda kaj uladine piro džanglipe e aver Rromnjenca, kana gindilpe pe manušani vorta thaj sa jekhipe maškar o murša thaj džilja.

Aglal o agor e rprojektosko inkaldo si vi “ lil palo BVO aktivistkinje/kinje“, ande savo si sa kova so trubul te inćardol radionica andar e manušane vorte, savenca šaj te sikavenpe kola save si sa jekh bîršenge.

c_242_120_16777215_00_images_rrc_meni_17.jpg  c_176_120_16777215_00_images_rrc_meni_18.jpg  c_186_120_16777215_00_images_rrc_meni_19.jpg  c_189_120_16777215_00_images_rrc_meni_20.jpg

Priručnik za NVO aktiviste i aktivistkinje

10. Projekto: „Rodipe pe phađimata manušane vortengo kaj rroma irisarrde ande Srbija“ (2006. – 2007.)

Projektosa „Rodipe manušane vorte kaj Rroma irisarrde ande Srbija“ inćardo si o sićope pale10 Rromnja andar o rodimasko bućaripe, korkorrorodimasko bući po drom pe 2 čhon, sar vi inkaldimaske lila katar o rodipe.

E agora e projektoske sas:
Te barjarelpe o dićhipe e Romengo save sas tradine ande Srbija thaj e paćiv lenge manušane vortengo.
Te ćidenpe e podatkujra andar e manušane vorte deportuime Rromengo, save šaj ažuztin te ćerdon vi aver strategije
Te ćerdon kapacitetujra rromane organizacijengo te šaj avel džiko thagaripe e zakonosko thaj paćape ande manušane vorte Rromengi andar sikade, džangle thaj phangle ćidimate.
Te ćerdon zuralo jekhtanipe maškar e romane birromane organizacije sar vi maškar korkorre rromane organzacije andar jekthaneske projektujra.
Te vjastonpe nacionalne, regionalne thaj maškar themutne istrumentujra manušane vortengo save mothon palo ačhipe e teprtuime Rromengo.

Ando majo, 2007. bîrš inkaldo si o lil alavesa “ Phadžipe manušane vortengo pale Rroma irime ande Srbija sporazumosa pale readmisija“ savo inklista andr e phari rodimaski bući savo trujal intrego Srbija inćarde 10 Rrom-nja andar o Novi Sad, Sombor, Subotica, Kikinda, Beograd, Kruševac, Valjevo, Niš thaj Bujanovac.
Kasave lila ando juno 2007. bîrš nakhadi si pe englesko čhib alavesa „Violations of the Rights of Roma Returned to Serbia under Readmission Agreements„.

c_167_120_16777215_00_images_rrc_meni_16.jpg

11. Projekto: „Inćardipe inkluzivne procesko – laćharipe ćherutne trajosko thaj socio – konomikano ačhipe manušengo save trajin ande rromani cara ando Opovo“ (2006. – 2007.)

Gajda kaj e pokrainake organujra inkaldine akcione planujra pale integracija Rromengi, ando Opovo 18. septembri 2006. bîrš ramome si o Sporazumo palo projekto “ Inćaripe inkluzivne procesonengo – Majlačho ćherutno trajo thaj socio – ekonomikano ačhipe Rromengo andar rromane cara Opovo“.

Ramosarde palo Sporazum po projekto si:
Skupština Foroski Opovo,
Pakrajinako sekretari pole bući, bućaripe thaj jekhipe maškar e murš thaj džulja,
Pokrajinako sekretari pale arhitektura, urbanizmo thaj graditeljstvo,
Kancelarija pale inkluzija e Rromengi thaj
Rromano resursno maškaripe Ekumenska humatorne organizacijako.

Ando septembri – decembri, 2006 bîršesko ćherdape:

  • rašunipe e SF Opovo thaj pindžardipe e manušenca save trajin ando III nevi cara,
  • ramope palo projekto “ Podrška inkluzivnim procesima – Majlačho ćherutno trajo thaj socio – ekonomikano ačhipe Rromengo andar rromane cara Opovo“.
  • rodipe scio – ekonomikano ačhipe Romengi save trajin ande III neve care ande Opovo,
  • inkalipe lilengo “ Perspektive III Novog naselja u Opovu,
  • inkalipe lilengo “ Stručna ekspertiza – Ocena o stanju i upotrebljivosti objekta“,
  • vjastipe so ćerdape ando Gatisarimasko Čher APV,
  • 7. demokratsko losaripe pale kola save avena ondo Odbor palo vazdipe III neve carenge thaj lesko ćherdipe,
  • arakhipe jećhe svatsko – teljaripe Forumosa „Perspektive III neve carenge“
  • sikavipe kolesko so si ćerdo ande SO Opovo.

Sar majdur bući, paša lovengo ažutipe Pokrajnake kacelarijake pale inkluzija e Rromengo, Rromano resursno maškaripe Ekumensko humanitarne organizacijako (RRRM EHO), inćarda Programo bućarimasko sićope savjasa barjarda o inkluzivno proceso thaj lačharda ćerutno trajo thaj socio – ekonomikano ačhie Rromengo ande Vojvodona/Srbija.

O projeto trubul te anel:
Te majlačharel o socio – ekonomikano ačhipe Rromengo ande Srbija.

Specifične aresimate e projektoske si:
Te vjastompe e manušane vorte thaj ažutinpe e Rroma andar o Opovo/III neve care ande inkluzivne procesujra, majlačhe vjastimasa, sićomasa thaj bućarimaske sićomasa.
Te akharenpe e rromane šerutne save trubunas te ažutin te barjarelpe o trajo ando gav .

Kale projektosa e ćerutne neve carengo ando Opovo dape lenge šaipe te teljren pe tninečhonenge kursujra andar građevinske zanatujra, ažutimasa  Bučarnengo sićomsko ćher „Marko Kuljić“ andar Pančevo. Palo agoripe kursonengo, kola save agorisarde line sertifikatujra – diplome.
Po agor maj si lenge dino alato savo trubul len pale bući.
Džike sas e vrjama e projektoski, ćerdinepe 4 prefabrikovane jedinice (36 kvadratne metrujra) ando Trito neve care. Razvojno maškaripe si vazdino ažutimasa Pokrainske sekretarijatosa pale arhitektura,  urbanizmo thaj graditeljstvo.

12.  Projekto: „Razvojno maškaripe Bangladeš“ (2007.)

Štar kontejnejra palo trajo thaj maj duj katar o siporeks, učhardipe čheresko thaj baro maškaruno kotor, si Razvojno maškar ando Bangladeš. Pe 120 m2, inćardon averčhande aktivnosti save senzibilišin e Rromen ande cara thaj te buljarelpe lengo anglunipe; pragramujra palo sićope bučarimasko;programo palo bejacengo sićope; programora palo sastarimasko sićope thaj aver. Kava maškar trubul te ažutil te e rom teljaren te jekhtaninpe ande zadruge.
Po agor 2008. bîrš ažućarelpe te o Razvojno maškaripe čerdol ando angluno Biznis inkubator ande Vojvodina, savja inćaren e Rroma thaj Rromnja.

13. Projekto: „Vazdipe po džape e čhavorrengo ande anglaškolake thana ando Novi Sad“ (2008.)

Kava projekto inćardilo ande vrjama: 01. 01. – 31. 07.2008. bîrš  Aresipe e projektosko sas te vazdel pes o đindo čhavorrengo save džan ande anglaškolake thana, thaj pe kava varo delen šaipe palo maj dur sičope.

Ande kava projekto sas 40 čhavorre -10 čhavorre save džan ande anglaškolake thana, a 30 čhavorra či džan ande anglaškolako than andar averčhandimata naj ando Programo pale anglaškolako sićope.
Kola saven sas šaipe te aven ande kava projekto, sas e čhavorra save trubun te ramosarenpe ande anglino klaso fundoske školako. (školsko 2008 / 2009 bîrš).

14. Projekto: „Ažutipe čhejorrenge save naj sar aver ando Opovo“ (2009)

Vlada e Srbijaki, dija e buća, save trubun te putren 2. Milenijumsko aresipe, savo avela 2015. bîrš sa e čhavorra thaj čhejorra agorisime fundosko škola. Kava projekto trubul te vazdape po aresipe te 98% se čhavorren thaj čhejorren avel agorisardo fundosko sićope thaj procento drop – out – o ke čhavorra save naćhen ando pandžto klaso, majcara katar 1%.

Aresipe projektosko si te del inćaripe e čhejorren save si andar socijano ugrožime ćhera, sar von agorinas e fundoski škola. Gajda silen šaipe te dujraren pengo sićope vaj bućarimasko sićope. O projekto inćardol ando Opovo (110 km jugoistočno katar o Novi Sad),  than savo si majčorro ande Vojvodina, sile 12000 ćherutne katar save si 8 % Rroma.

O primarno aresipe si o ćidipe ande savo si 25 čhejorra, bîršenge kater 7 džike 15 bîrš. ande kava ćidipe si: 7 rromane čhejorra; 10 rakhljorra andar socijslo ugrožene ćhera thaj 8 rakhljora saven si bilačhipe ando bajrope, savenge trubul inćaripe.

O projekto inćardol ande vrjama: 01.01.2009. – 31.12. 2009. bîrš.

15. Projektujra pale save denpe love andar Budžeto forosko Novi Sad:

Nakhle trin bîrš (2006 – 2009), RRRM paša o ažutipe Foroske upravako pale socijalo thaj čhavorrengo lesamalipe, ćerda averčhande projektujra, palo sićppe rromane čhavorrengo, sar vi e prijektujra palo bućarimasko sićope Rromnjengo ando Novi Sad.

Partneri

heks eper    Schweizerische swiss solidarity   diakonie wurttemberg   Brot fuer die Welt  ACTLOGO  Evangelical Lutheran  Diakonie Fondacija za otvoreno drustvo  eu   unhcr